Sanman bizi kim şîre-i engûr ile mestüz

Biz ehl-i harâbâtdanuz mest-i elestüz

Ter-dâmen olanlar bizi âlûde sanur lîk

Biz mâ‘il-i bûs-ı leb-i câm u kef-i destüz

Bu ‘âlem-i fânîde ne mîr ü ne gedâyuz

A‘lâlara a‘lâlanıruz pest ile pestüz

Sadrın gözedüp n’eyleyelüm bezm-i cihânun

Pây-ı hum-ı meydür yerimüz bâde-perestüz

Erbâb-ı garaz bizden ırağ olduğı yegdür

Düşmez yire zîrâ okımuz sâhib-i şastuz